Free Web Hosting Provider - Web Hosting - E-commerce - High Speed Internet - Free Web Page
Search the Web

Daily The Qaumi Namaindgi Lahore-Chief Executive_Parvaiz Akhter Bhatti 03143636379

Qaumi Namaindgi Lahore Latest News

Today s' Paper


ویب ایڈیٹر:

 فورسز نے دشمن کا حملہ پسپا کرکے سترہ دہشت گردوں کو جہنم واصل کردیا
لنڈی کوتل  :  خیبر ایجنسی کے علاقے میں پاک فوج کا خیبر ون آپریشن کامیابی سے جاری ہے، تازہ کارروائی میں فورسز نے دشمن کا حملہ پسپا کرکے سترہ دہشت گردوں کو جہنم واصل کردیا، دہشت گردوں کی تعداد چالیس سے پچاس تھی۔

 


 

پاک فوج کے شعبہ تعلقات عامہ (آئی ایس پی آر) کے مطابق خیبر ایجنسی کے سپاہ میں گزشتہ رات چالیس سے پچاس دہشت گردوں نے سیکیورٹی فورسز کی چیک پوسٹ پر حملہ کیا، جس کے بعد دونوں جانب سے جھڑپ شروع ہوگئی، سیکیورٹی فورسز نے دہشت گردوں کا بہادری سے مقابلہ کرتے ہوئے 17 دہشت گردوں کو ان کے منطقی انجام پر پہنچا دیا، جب کہ دیگر دہشت گرد زخمی حالت میں فرار ہوگئے، بھاگتے دہشت گرد اپنے 17 جنگجوؤں کی لاشیں بھی چھوڑ گئے۔  فورسز نے ہلاک دہشت گردوں کی لاشیں تحویل میں لے لی ہیں، جنہیں لیویز سینٹر منتقل کر دیا گیا ہے، فی الحال دہشت گردوں کی شناخت تاحال نہیں ہوسکی۔

 


 

واضح رہے کہ خیبر ایجنسی کے علاقے سپاہ کو لشکرِ اسلام کا مضبوط گڑھ تصور کیا جاتا ہے، جب کہ آکا خیل اور ملک دین کے علاقوں میں بھی دہشت گردوں کے متعدد ٹھکانے موجود ہیں۔

 


 

دوسری طرف خیبر ایجنسی کی تحصیل باڑہ اور دیگر علاقوں میں سیکیورٹی فورسز کی جانب سے آپریشن میں تیزی آگئی ہے، وادی تیراہ میں ملک دشمنوں اور دہشت گردوں کے خلاف فورسز کی پیش قدمی بھی تیز ہوگئی ہے۔

 


 

یہاں یہ بات قابل ذکر ہے کہ رواں سال 15 جون کو پاک فوج کی جانب سے شمالی وزیرستان ایجنسی میں دہشت گردوں کے خلاف "آپریشن ضرب عضب" شروع کیا گیا تھا، جس کے بعد میر علی، دتی خیل، اور دیگر علاقوں کو دہشت گردوں سے پاک کرنے کے بعد آپریشن کا دائر کار بڑھایا گیا اور مختلف علاقوں کا رخ کرنے والے اور وہاں بھاگ کر پناہ لینے والے دہشت گردوں کی سرکوبی اور خاتمے کیلئے 17 اکتوبر کو خیبر ایجنسی میں "خیبر ون" کے نام سے نیا آپریشن شروع کیا گیا۔

Front Page

Back Page

Page 2

Page 3